•10:53 ص
فاعليات سباق الكارو
عندما تتجه أنظارنا جميعاً هذه الأيام إالى فاعليات سباق الكارو
وليس
car
ويبدأ العد التصاعدى
(وليس التنازلى)
الذى يشتهر به ابناء الوطن العزيز
1
2
3
انطلق
لتتنطلق عربات الكارو فى شوارع القاهرة العامرة
لتلقى أكبر فاعليات سباق كارو يشهده العالم
(سباق الحمير)
يلتف المشجعون من أبناء الكارليرسمو سوراًأو حاجزاً حول مكان السباق
ومنهم من ينتظر دوره فى السباق
كأى إنسان يحلم بالإستمتاع بعض الوقت
ولكن عندما لايجد مايستمتع به إلا لقمة عيشهومصدر دخله
يتكيف مع إمكانياته لكى تصبح للمأكل وأيضاً للمتعة
هكذا تعودنا من المواطن المصرى البسيط....الذى ابتدع ثقافة التكيُف
(وليس التكييف)
ومع إرتفاع حدة السباق
الذى يجوب شوارع المنيب وشوارع الاسكندرية أيضا
ً
وإرتفاع العشوائية وفشل المرور
تصعد الأتربة إلى عنان السماء
فهوه سباق اعتاد اصحابه على هذا التراب والغبار...ولايكتم انفاسهم بل يحول رؤيتهم فقط
ومع تكرار السباق صباح كل سبت من كل أسبوع
تتكر مأساة المواطنين فى المنطقة وتتكرر الشكاوى للمرور الذى بات ينصب الفخوخ والكمائن للإيقاع
بهولاء العابثين الذين يلعبون.....
وكأن فئات الشعب المصرى الأن باتت تنظر إلى بعضها على انهم السبب فى ضياع المجتمع المصرى وتخلفه
المارين يرون تصرفات اصحاب الكارو تصرفات متخلفين...
(يغوروا هما وامثالهم جايبين البلد لورا)
والمرور مافيش منه فايدة تلاقيهم واخدين شوية فلوس
واصحاب الكارو بيقولوا حقنا...
(كنا لاقين مكان فى نادى الجزيرة ولا الأهلى وملعبناش..مش كفاية مش لاقين ناكل)
والمرور شايف إنه هيقطع نفسه يعنى
و كلٌ منهم عجز عن إيجاد حل يرضى جميع الأطراف
الحل هو...مهرجان لسباق الكارو...مهرجان شعبى تنظمه الدولة
مثل اى مهرجان شعبى فى مختلف انحاء العالم حتى انحاء العالم المتقدمة..مش المتخلفة بس
ليصبح سمة اساسية فى ثقافة الشعب
يدعو له الاعلام وأيضا تلتف حوله السياحة
واحنا مش اقل من اللى بيعملوا مهرجانات سباق ديوك...(حتى الحمير فصيلة راقية شوية)
مكان مخصص لإقامة المهرجان....تنظيم كامل
لارضاء هؤلاء الذين يطمعون فى لحظات سعادة وترفيه ...وإن كانوا من الطبقات الفقيرة
وإن كان الشعب المصرى لايمتلك الفيرارى ليستمتع بها....
فدعوه يستمتع بما استطاع امتلاكه....
وبس كده
......
مهاترات
|
16 التعليقات:
السلام عليكم
حبيبتى صباح الورد على عيونك
بجد والله برافو عليكى
كلام زى العسل أحيك عليه من كل قلبى
وكمان المنظر غير لائق حضاريآ
بس مين يسمع ومين ينفذ الحكومه عندها عدم لا مبالاه
تحياتى لحضرتك ولقلمك الرائع
انوسه
تعرفي اية الفرق بين الشعب وبين الحكومة
الشعب بيركب كارو والحمار من برة بيجرالعربية
الحكومة بتركب مرسيدي مصفحة والحمار بيقا قاعد جوا العربية
عاشقة الأحزان
انتى اللى منورانى ياايناس
ربنا يكرمك
مصري جدا
لا مش قادرة امسك نفسى من الضحك
بجد جامدة جدا
جداااااااااااا
نورتنى يا استاذى
ومازلت اتعلم
ابدعتى والله
فكره رائعه ، وتستحق التنفيذ على الاقل سيجد سائقوا الكارو منفذاً لهم بدلاً من الشوارع العامه .
تقبل تحياتي ومروري .
محمــد
طريق النجاح
كلام جميل
وضحكني موت تناولتي مشكلة بطريقة حلوة وسلسة وفكاهية
بحييكي
تحياتي
السلام عليكم ...
طريقه مش غريبه على حضرتك
نضحك .. بس لازم نحزن
ودى المعادله الصعبه اللى مش اى حد يقدر يحققها
عموما انا مش هقدر افيد فى الموضوع ده
لانى بإختصار لااعرف عنه شىء ولم اراه من قبل
بس الواضح وفى كل حاجه
ان الكل مُخطىء
واولهم .. الشعب ..
وياريت تفهموا كلامى كويس
وبعد كده نفرق ونوزع الاخطاء على باقى الجهات
وربناااا يستررررررررر
والسلام عليكم ..؛؛
السلام عليكم
ما زلت أتعلم...
أولاً أسعد بالتواجد هنا بين جنبات مدونتك الراقية
جعلها الله في ميزان حسناتك
يعني هذا الراجل الغلبان اللي كتب عليه الزمن يركب هالحمار ويشترك في هالسباق الكبير ، شو بإيده يعمل غير هيك ، لو عندوا سيارة مرسيدس ما ركب الحمار.؟!
بارك الله فيك واكرمك الله...
دمت بخير
من يومين تخيلت لو رجعنا نركب العربيات الفرعونيه اللى بيجرها الحصان..أكيد هيبقى الجو أنظف والناس رياقه
بس مش هنعرف نسافر بعيد هنجهد
حكاية ان نستمتع بالمتاح
محتاجه اننا منضرش حدج واحنا بنستمتع
انا بسوق ..وعارفه اكثر مشكله هى خوفك انك تخبطى الحصان أو الحمار
لان صاحب الكارو لا يهتم ويدخل فيك..
وكمان بيسببوا مشكل كبيره
بس والله مش قد مشاكل سائقى الميكروباص
موضوع لذيذ
والله الحمير دي غلبنا معانا رغم انه حمالة قاسية
ربنا يعين الحمير على تحمل بلاوي البشر مش كفاية حمولهم لأ وكلمهم اللي زي السم كمان
تحياتي على تلك المدونة والعمل الرائع
وأدعوك لزيارة مدونتي
ويبقى التواصل
MOHAMMED ELBANNA
جزاكم الله خيراً على الزيارةوالتعليق
ربنا يكرمك
جارة القمر
منورة المدونة كلها ياحبيبة قلبى
واتمنى تشرفينى بالزيارة على طوووووووووووووول
الأمير
شرفتنى ياأخى ورفع معنوياتى
الشعب هو المخطئ
طبعا طبعا...ده الطبيعى
اجنا ديما عاملين إزعاج للحكومة
بحر الإبداع
ده شرف كبير جدا ليا زيارة حضرتك
اهل غزة كلهم منوريين
الفقيرة إلى الله أم البنات
اااااااااااااه نفسى نرجع نركب ركوبة نظيفة وحلوة
وكفاية عوادم وزحمة وكلا كسات
نفسى
منورانى ياحبيبتى
معتز شاهين - باحث تربوي
جزاكم الله خيراً للزيارة
واكيد ليا زيارة لمدونة حضرتك
تحياتى