•12:46 ص
أعز الولد ولد الولد
الحقيقة أمبارح لماعرفت خبر وفاة حفيد الرئيس
وأنا عمالة أفكر فى حاجات كتير
والجو كمان مساعدنى على كده
لأن زى ماقلنا المذاكرة معايا..بتخلينى اقعد اتفكر فى الكون
هاقولكم فكرت فى ايه
اولاً
كما قال تعالى : ( وجاءت سكرة الموت بالحق ذلك ما كنت منه تحيد )
طيب مين كان يصدق كده
حسب الكلام اللى اتقال انه الولد كان كويس ومعندوش حاجة
وده مرض فجائى
جاله كده وكانوا هيسفروه بسرعة يتعالج
تخيلوا قد ايه فيها عظة
يعنى ولد عنده 12 سنة
تخيلوا واحد زى ده ربنا قبض روحه وهياخده يحاسبه
طيب ده صغير
و حساب ربنا بيبقى لما يكبر أو بعد البلوغ
يعنى فى الجنة بإذن الله
تفكيرى راح كده إنى احسد الطفل ده
طيب لو كل واحد بص لنفسه
هيلاقى ايه
ربنا هيحاسبه على كام سنة لحد دلوقتى
بجد كل واحد يحسب لنفسه
طيب كل سنة عمل فيها ايه ذنوب
والله فيه ذنوب بنعملها ومش بناخد بالنا منها
طيب لو انا مت دلوقتى
هتحاسب..اه هتحاسب
ياترى انا مجهزة نفسى للحساب؟؟؟؟؟
الموت كله عظات والعظة ديه لأاهله قبل أى حد...
قمت صليت ركعتين كده لله
ونمت قمت وكملت تفكير
ثانيا
هل ده هيأثر على زيارة أوباما؟
ثالثا
هل ده هيأثر على مبارك شخصياً
وخصوصأ أنه كان بيحبه جداً
ومتعلق بيه
ويعنى أكيد زى أى جد
كان بيلعب معاه وبيجيبلوه بونبونى
رابعاً
الشعب الأصيل ده
معدنه طيب جداً
حتى المعارضة قدموا العزاء
أصلاً كلنا زعلانين جداً
ياترى لو أى شعب تانى
كان هيزعل كده؟؟؟؟؟
خامساً
هيه القنوات اللى فى الدش هتفضل مقفولة لحد أمتى؟
سادساً
هو ليه ساعة غرق العبارة محدش قفل القنوات
ولا حد لبس اسود على الكام الف اللى ماتوا دول
الحقيقة أمبارح لماعرفت خبر وفاة حفيد الرئيس
وأنا عمالة أفكر فى حاجات كتير
والجو كمان مساعدنى على كده
لأن زى ماقلنا المذاكرة معايا..بتخلينى اقعد اتفكر فى الكون
هاقولكم فكرت فى ايه
اولاً
كما قال تعالى : ( وجاءت سكرة الموت بالحق ذلك ما كنت منه تحيد )
طيب مين كان يصدق كده
حسب الكلام اللى اتقال انه الولد كان كويس ومعندوش حاجة
وده مرض فجائى
جاله كده وكانوا هيسفروه بسرعة يتعالج
تخيلوا قد ايه فيها عظة
يعنى ولد عنده 12 سنة
تخيلوا واحد زى ده ربنا قبض روحه وهياخده يحاسبه
طيب ده صغير
و حساب ربنا بيبقى لما يكبر أو بعد البلوغ
يعنى فى الجنة بإذن الله
تفكيرى راح كده إنى احسد الطفل ده
طيب لو كل واحد بص لنفسه
هيلاقى ايه
ربنا هيحاسبه على كام سنة لحد دلوقتى
بجد كل واحد يحسب لنفسه
طيب كل سنة عمل فيها ايه ذنوب
والله فيه ذنوب بنعملها ومش بناخد بالنا منها
طيب لو انا مت دلوقتى
هتحاسب..اه هتحاسب
ياترى انا مجهزة نفسى للحساب؟؟؟؟؟
الموت كله عظات والعظة ديه لأاهله قبل أى حد...
قمت صليت ركعتين كده لله
ونمت قمت وكملت تفكير
ثانيا
هل ده هيأثر على زيارة أوباما؟
ثالثا
هل ده هيأثر على مبارك شخصياً
وخصوصأ أنه كان بيحبه جداً
ومتعلق بيه
ويعنى أكيد زى أى جد
كان بيلعب معاه وبيجيبلوه بونبونى
رابعاً
الشعب الأصيل ده
معدنه طيب جداً
حتى المعارضة قدموا العزاء
أصلاً كلنا زعلانين جداً
ياترى لو أى شعب تانى
كان هيزعل كده؟؟؟؟؟
خامساً
هيه القنوات اللى فى الدش هتفضل مقفولة لحد أمتى؟
سادساً
هو ليه ساعة غرق العبارة محدش قفل القنوات
ولا حد لبس اسود على الكام الف اللى ماتوا دول
إنا لله وإنا إاليه راجعون
وربنا يصبر أهله
وربنا يصبر أهله
فواصل
|
20 التعليقات:
ربنا يصبر اهله
واحنا شعب طيب عشان مفيش شماته في الموت
وكمان اللى مات ده ملهوش ذنب في اللى حصل
ده يمكن موته كان بسبب اللى بيعملوه وعبرةوعظة لعلهم يتعظوا
وفعلا اتحرق دمي برضوا من موضوع القنوات
يعنى الولد مات:(
والجو حر...
وعنيا مليانة دموع دلوقتى...
وقلقانة من شئ ما...
ومش بذاكر خالص...
وكمان الاقى
البوست بتاعى الرابط بتاعه مش ظاهر عند الناس
ده اللى كان ناقص
دوشتك يافطومة
بس انا هنا فى مدونتى واعلق براحتى
ااااااه:)
ربنا يكرمك على تعليقك
ودعواتك
السلام عليكم
ربنا معاكى ان شاء الله ويكرمك
وربنا يرحمه ويغفر له
ويصبر اهله
اللهم امين
انوسه
إنا لله وإنا إليه راجعون
لا شماته فى الموت ونرى ان موته قد يكون سبب فى هداية من حوله نسأل الله ان لايراه احد فى ابناؤه يارب
الله يرحمه
وأسألتك مهمه وخصوصاً سؤالك السادس فعلاً يوجع القلب .
لا حول ولا قوه الا بالله .
وربنا يستر علينا .
وكفاية كده .
محمـــد
شوفي
أحنا سكتنا تماما ولم نعلق مع ان توجد عشرات التفسيرات
لكن الشعب المصري في مجملة شعب محترم
أحترم الام عدوة اللدود(وهو الذي لم يحترم الام أحد بل شمت وعاير)بل والادهى ان الشعب دعى لة بالصبر
بالذمة فية شعب محترم الى هذة الدرجة
الموقف دة كاشف لمعدن الشعب
وكاشف بالقدر نفسة ان الحاكم لا يستحق ان يحكم هذا الشعب
عاشقة الأحزان
انوسة الجميلة
ربنا يكرمك على دعائك
الفقيرة إلى الله أم البنات
طبعا ً لاشماتة ربنا يرحمه
تحياتى ياحبيبتى
أ.محمد البنا
يوجع القلب اووى
ربنا يرحم موتانا جميعاً
مصري جدا
وكاشف بالقدر نفسة ان الحاكم لا يستحق ان يحكم هذا الشعب
تقول ايه بقى؟؟
دول هيخلوا التلفزيون مقفول 3 ايام
عااااا
انا ماليش فى التلفزيون اصلاً...اتجاهاتى للنت والراديو
بس ماما عايزة تتفرج على المسلسل وزعلانة
:)
السلام عليكم
انا لله وانا اليه راجعون
طبعا الكل حزين لفقد انسان مسلم سواء كان حفيد للرئيس او كان حفيد للغفير
ولكن تساؤلك نحو ليه مفيش حد حزن ولا بين حزنه على اللى ماتوا فى العباره رغم انهم كانوا بالآلاف
الإجابه فى جمله صغيره جدا هى
(مفيش فيهم حد قريب للريس ) فهمتى قصدى
انا لله وانا اليه راجعون ولا حول ولا قوة لله
اللهم الهم اهله الصبر والسلوان
واجعله شفيعا لهم يوم القيامه
واجعله عظه لمن يتعظ
انا لله وانا اليه راجعون
اسئلتك فى محلها
كتبت تعليق كبيييييير بس طاااار
ولم يُرسل ...
يلا خيرها فى غيرهااا
بس فعلا والله الواحد بتيجى فى دماغه مقارنات
بين اطفال بتموت هناك من الحصار والحديد والنار
وبين الطفل ده
ربنا يرحمه ويصبر اهله
ويعظ بموته من لا يتعظون
تحياتى اختنا
بوست رائع وكلام طيب
حفظكم الله
خالص ووافر احترامى ..؛؛؛
اخييييييييييييرا التعليق وصل
احمدك يارب
السلام عليكم
انا لله وانا اليه راجعون
لاشماته في الموت الا في أعداء الله ورسوله فقط
اما الرئيس وعائلته فهم أبناء بلدنا وهم ولاة أمرنا والرسول أمرنا بطاعة اولي الأمر .. فما بالنا ببقدر الموت الذي ألم بنفر من أسرتهم
والله تعالى أسأل ان يتغمد المتوفي الى الله برحمة واسعة وان يلهم اسرته الصبر والسلون انه ولي ذلك والقادر عليه
-------
واحب أحيي حضرتك على المدونة الرائعة حقيقة
وان كانت اول زيارة تواكبت مع هذه الحدث الأليم
وان شاء الله تتوالى الزيارات
في حفظ الله
إبن مصر
مافيش حد قريب الريس
بالظبط كده
شكرا للمرور
موناليزا
شكرا لمرورك حبيبة قلبى
الأمير
جزانا واياك كل خير
ودمت زائر لمدونتى
قلم رصاص
مرحبا بحضرتك
واتمنى الزيارة الدائمة
تحياتى
هيه القنوات اللى فى الدش هتفضل مقفولة لحد أمتى؟
هو ليه ساعة غرق العبارة محدش قفل القنوات
ولا حد لبس اسود على الكام الف اللى ماتوا دول
........ مفيش رد على كدا أسئله ..؟!!
إنا لله وإنا اليه راجعون