تاج من أختى وحبيبتى أم البنات
تاج الاحلام ده مهم أووى
بس أنا هجاوب عليه بصدق وبساطة شوية
مبدئيا كده أحلامى متعلقة بمراحل حياتى وكل مرحلة وليها أحلام حتى لو إفتكرتها وضحكت
أذكر خمس أحلام على الاقل ..تخص ماضيك وتحلم فيها بتغيير اشياء ..ماذا ستعدل وماذا ستترك؟؟
أولاً: كان نفسى أدخل إعلام زمان..بس دخلت صيدلة برضايا علشان أفرح أهلى بس مش أكتر
ودلوقتى متنازلة تماماً عن الحلم ده وبحب صيدلة جداً جداً
مهنة محترمة
ثانياً: كان نفسى برده أبقى بعيدة جداً جداً
بس بعيد عن الارض كلها وعن كل الناس
نفسى اخد سفينة للبحر وأقعد بعيد عن الناس كلها
لحد دلوقتى الحلم ده بيراودنى كتير لما بتضايق
مشكلتى لما بضايق...بمشى
ثالثاً: زماان كان نفسى وهتجنن أشترى عربية نيسان:)
معرفش اشمعنى.. أنا مش بفهم فى السيارات اووى
بس دلوقتى عايزة اى عربية علشان زهقت جداً من التكاسى
رابعاً: كان نفسى زمان أسافر بلاد كتير منها باريس ومتمسكة بالحلم ده
خامساً: حلم عبيط بس بالنسبالى متعة
إن الناس اللى فى مصر كلهم يمشوا وأقعد أنا لوحدى فى البلد أجرى فيها بالبيتناج
طفلة بقى
أذكر خمس أحلام على الأقل ..تخص مستقبلك
أولاً: أغمض عنيا وأفتحها ألاقى النتيجة بانت واتخرجت
ثانياً: احلام متعلقة بمستقبلى بعد كده وشغلى
بفكر كتير اوى فى الموضوع ده حالياً
بس مش عارفة أقرر هاعمل ايه ومحتاجة حد يفكر معايا وأخد القرار
ثالثاً:نفسى أقدر أخلص الكتب اللى عندنا فى المكتبة بتاع البيت
منها كتب قديمة جداًًًً جداً ونفسى أقراها
رابعاً: نفسى التزم فى الحجاب الصح بقى..مش راضية عن مستوى حجابى أوى
للاسف بضغف جداً قدام اللبس والموضة وممكن أشترى أى حاجة حتى لو لبستها بس فى البيت
بدأت فى خطوات كده وربنا يسهل وأقدر أكمل
خامساً:مكة والمدينة وحشونى جداً زى كل الناس نفسى أروح هناك وأقابل كل اللى بحبهم هناك
سادساً: عندى حاجات كتير كتير بس كفاية كده عليكم
أذكر شخصين على الأقل .متواجدين فى حياتك حاليا ..كنت تود وجودهم قبل الآن بزمن ?
1*القران ..الحمد لله مع تقصير ساعات بس بيقربنى جداً
2* اغلب اصحابى دلوقتى مكنتش اعرفهم زماان وياريتهم كانوا يبقوا معايا من زمان
واعزهم على قلبى من زمان هيه معايا جوجو ويمكن مش هتشوف الكلام ده
أذكر شخصين على الأقل غير متواجدين فى حياتك حاليا كنت تود وجودهم الان او فى حياة اولادك مستقبلا .. ؟
الرسول طبعاً ونفسى تكون صلة قريبة اوووى وشخصية بيه ويكون جنبى ديما
جدى الله يرحمه علمنى كتير..وبعد وفاته من 3 سنين
بيجيلى فى المنام كتير ويقولى على الاخطاء اللى بعملها وينبهنى
ياجدو اديلك كتير مش جيت..تعالى بقى وحشتنى اووى
اصحابى ش وهـ
إفترقنا من 3 سنين تقريباً..كل ذكرياتى معاهم وذكريات صبايا ولعبنا
مش قادرة انساهم لحد دلوقتى ومعرفش هما فين
افترقنا من غير كلام
وبعد 3 سنين لسه دموعى بتنزل حزن عليهم
لكن كبريائى بيمنعنى من إظهارها
هاقولهم
لسه لحد دلوقتى الناس لما بتشوفنى بتسالنى عليكم..مش بعرف أرد... يرضيكم كده؟"
كفاية كده دوشتكم
امرر التاج ل
بنت ابيها( وكده المجموع تاجين)
من القلب
أ.هانئ (نط فى الكوز)
موناليزا (بحاول معاكى تانى يمنك تقبلى)
عاشقة الاحزان انوسة
كيارا
بولا حلمى (هتجاوبى يعنى هتجاوبى)
أ.محمد البنا
(صاحب مدونة طريق النجاح)
الأمير
كاتب مصرى
دعاء
ملكة فى بيتى
وكل حد هيرد هياخده
مافيش اعتذارات
21 التعليقات:
السلام عليكم ورحمة الله وبركاته
حبيبتى الغاليه
ربنا يسمحك هو انا كنت ناقصه تاجات يالهوى يانى اصووووووت
هقول ايه بس
مأقدرش ارفضلك طلب لانك غاليه قووى عندى
ربنا يسعدك ويارب يقدرنى واقدر اجاوب عليه يارب
ردك فى منتهى البساطه
وجميل قوى نظرتك للمستقبل بتفائل
ربنا يبارك فيك وتنجحى وتجيبى ممجموع اكتر ما بتتمنى
وبحبك قووى
وربنا ما يحرمكيش من الناس اللى بتحبيهم
انوسه
بسم الله ..
الامير اللى هو انااااااااا ؟؟؟!!!!
اسكتواااااااا .. مش انا غيرت اسمى
هههههههههههه
لو انا المقصود فعلا ( وده مستبعد )
لن ارفض لكم طلبا بإذن الله
بصراحه الوقت ضيق اوى
هبقى ارجع وأقرأ الاجابات بتركيز
لانى هنااااااااااقش
وهمسك الاجابات افصصها .. ونشوف بقى
لى عوده بإذن الله ...
و .. السلام عليكم ..؛؛
ربنا ينجحك وبتقدير امتياز كمان وتحققى كل احلامك
==
مش عايزة اكسفك بس ممكن اقولك على حلم انا وانتى متفقين فيه
كان نفسى اوى برضه ادخل اعلام:) بس مجموعى ماجابش ودخلت تربية:)
ومش زعلانة انى دخلت تربية وفخورة جدا بده وبكل حاجة اتعلمتها فيها بس برضه مازال العمل فى المجال الاعلامى يراودنى
(اى خدمة)
عشان عيونك ياقمر:)
عاشقة الأحزان
ياقمر ده إنتى اللى غالية عاليا
ومعلش هتعبك ده تاج خفيف وصغنون خالص
زى شكة الابرة كده
بعد الشر عليكى طبعاً
منتظرة على نار أحلامك اللى بدعيللك تحققيها
الأمير
اللى هوه حضرتك طبعاً
تناقش...!
بالراحة بالله عليك
ديه إحلام بسيطة خالص والله
ومنتظرة ردك على التاج بإذن الله
موناليزا
ههههههه
بجد تسلميلى تسلميلى بجد على ذوقك ده
عرفنا ناخدمنك حلم أهوه
والله خلتينى فرحت بردك ده
ربنا يكرمك وتحققى أحلامك ويوفقك
حبيبتى
ادعوكى لزيارة البوست بتاعى الاخير
تحياتى
انوسه
عاشقة الأحزان
ياقمر من غير ماتقولى
بوست تحفة تحفة
طيب ماااشى
ان شاء الله هجاوبع عليه
وبصراحه رجعت وقرأت الاجابات
لاقيتها حاجات شخصيه اوى يعنى اصلا
ماينفعش اناقش فيها حاجه
بصراحه انا فكرنه زى باقى التاجات الاخرى
بها اشياء عامه تخص الجميع
عموما
ربنا يحققلك كل احلامك
والتوفيق والتفوق بإذن الله
وافر احترامى ..؛؛
حلوة اجاباتك
ربنا يكرمك
ومازلت اتعلم
كيف الاحوال ؟
ان شاء الله تكونى بخير .
احييكي على اجاباتك المتميزة ، بارك الله فيكي .
وشكراً على التاج ، هديه مقبوله وربنا يقدرني على الردود .
تقبلي تحياتي ومروري .
محمــد
طريق النجاح
...........
ارقع بالصوووووووووووووت
يعني .. دنتي بتدبسيني وتقوليلي هتجاوبي يعني هتجاوبي
يعني عارفه اني هتفاجأ
طيب يعني ... اممممممم حاضر هلبسو قريب اوووووي
وشكرا عشان افتكرتيني بالتاج
عقبال يارب تاج فرحك .. لا خليكي طرحه بتبقى احلى
ونا يارب عقبالي كمان .. يارب :)
سلامي ليكي يـ ........... << بجد عاوزا اعرف اسمك :)
نورتي يابولا << منا عارفه طبعا طبعا P:
انا عمل نفس تصرف عاشقة الاحزان
يا بنتي هوه انا عارفة اخلص التاج اللى عندي اما الاقي نفسي متدبسة في تاج تاني
لكن لا متقلقيش
ليكي يوم برضوا
الأمير
ااه التاج ده اهميته اكتر انك تراجع نفسك
وتشوف فين احلامك وحققتها ولا لا
لو عايز تاج تانى يناقش الفكر اكتر
شوف التاج الاول عندى
تاج جامد وتقدر تبدله مع التاج ده
اوبشن اهوه:)
blue-wave
دكتور عمرو اهلا وسهلا برجوع حضرتك
التاج لازم يبقى من نصيبك برده
منور حضرتك
MOHAMMED ELBANNA
جزاك الله كل خير ياأخى
ومنتظرة اكيد اجاباتك
اكيد هتكون رائعة
Bola 7elmi
ايه بقى ده
كل ماحد يدخل يصوت
عاااااا
ماليش دعوة يابولا
نياهاها
هتجاوبى ياختى يعنى هتجاوبى
منورانى يابولا ويسلملى ذوقك
بنت أبيها
الحساب يجمع ومنتظرة الاجابات
ايه الكسل ده:)
لاااااااااا
تاج تانى ايه
وكمان محتاج تفكييير ؟؟
لااا
دا انا مخى مشغلنى بالعافيه
انا هجاوب على التاج ده
وان شاء الله هيكون على مدونتى
الثانيه
" أمير العذاب "
وليس على لألىء الكلمات
يارب تكونى عارفاها
لانى عاوز اعرف رأيك ان شاء الله فى الاجابات
والسلام عليكم ..؛؛
ماشاء الله يا حبيبتى
ربى يسعدك ويبارك فيك احلامك جميله
انا فعلا قرأت قبل كده..وغالبا مش علقت
انشغلت فى شئ
ثانياً: كان نفسى برده أبقى بعيدة جداً جداً
بس بعيد عن الارض كلها وعن كل الناس
نفسى اخد سفينة للبحر وأقعد بعيد عن الناس كلها
لحد دلوقتى الحلم ده بيراودنى كتير لما بتضايق
انت شبه طنطك أم البنات...كان نفسها تبقى بعيده
بس هاستنى لما يبقى عمرك قدى.. تذكرينى..وقولى هيكون نفسك إيه؟
ربنا يكتب لك الخير وييسر لك طريقك اللى كتبه لك
ربنا يجازيكى الخير والبركة يا أم البنات
ربنا يكرمك على مرورك وتعليعقك
تحياتتى