Author: ومازلتُ أتعلم
•11:48 م

أجمل أيام عمرى

يمكن غبت عنكم كتير..

بس كنتوا فى بالى
وحشتونى جداً جداً
عايزاكم تدعولى من قلبكم.... لأن أنا فعلاً بدعيلكم من قلبى...........

بدعيلكم ربنا يرزقكم أيام جميلة زى أيامى دلوقت


خطوبتى تمت يوم الخميس الماضى على خير والحمد لله


ربنا رزقنى برفيق عمرى وأعز إنسان على قلبى حالياً خطيبى حسام

(الفارس الذى اوقع فى حبه الأميرة)

دعواتكم ربنا يكرمنا مع بعض ويتملنا على خير

ويبعد عننا العين الى صابتنا من يوم الخطوبة :)

ويارب يرزقكم جميعاً بأزواج وزوجات صالحات...

وذريات صالحة بإذن الله





وعايزة ابعتله الشعر ده وهو مسافر




تغيبين عني..

وأمضي مع العمر مثل السحاب

وأرحل في الأفق بين التمني

وأهرب منك السنين الطوال

ويوم أضيع.. ويوم أغني..

أسافر وحدي غريبا غريبا

أتوه بحلمي وأشقى بفني

يولد فينا زمان طريد

يحلف فينا الأسى.. والتجني..

ولو دمرتنا رياح الزمان

فما زال في اللحن نبض المغني

تغيبين عني..

وأعلم أن الذي غاب قلبي

وأني إليك.. لأنك مني

* * *

تغيبين عني..

وأسأل نفسي ترى ما الغياب؟

بعاد المكان.. وطول السفر!

فماذا أقول وقد صرت بعضي

أراك بقلبي.. جميع البشر

وألقاك.. كالنور مأوى الحيارى

وألحان عمر تجيء وترحل

وإن طال فينا خريف الحياة

فما زال فيك ربيع الزهر

* * *

تغيبين عني..

فأشتاق نفسي

وأهفو لقلبي على راحتيك

نتوه.. ونشتاق نغدو حيارى

وما زال بيتي.. في مقلتيك..

ويمضي بي العمر في كل درب

فأنسى همومي على شاطئيك..

وإن مزقتنا دروب الحياة

فما زلت أشعر أني إليك..

أسافر عمري وألقاك يوما

فإني خلقت وقلبي لديك..

* * *

بعيدان نحن ومهما افترقنا

فما زال في راحتيك الأمان

تغيبين عني وكم من قريب..

يغيب وإن كان ملء المكان

فلا البعد يعني غياب الوجوه

ولا الشوق يعرف.. قيد الزمان


Author: ومازلتُ أتعلم
•3:00 ص




بناءأ على دعوة من الأخ الفاضل صاحب مدونة طهر فؤادك
ندعوكم لمشاركتنا فى حملتنا


فكرة حــــــملة" مـــــدونتك هتـــنقذ طفـــــللك "
-
اولا اسم الحملة نابع من ان الاطفال الى ان شاء الله هنساعدهم (اطفال مستفى 57357 )
زى اطفالنا فواجب علينا نعمل كدة او هنقدم حاجة بسيطة لمساعدتهم وان شاء الله تكون ليها اثر كبير بأذن الله
وخير علينا كلنا بأذن الله ومش تفتكروا ان مسعدتكوا دى بسطة لا بالعكس ومش كلامى دة كلام رسولنا العظيم
ومعلم البشرية جمعاء
:-قال
أتى النبي صلى الله عليه وسلم رجل يستحمله فلم يجد عنده ما يتحمله
فدله على آخر فحمله فأتى النبي صلى الله عليه وسلم فأخبره فقال إن الدال على الخير كفاعله


- هنســـــــــــاعدهم ازاى :---

- ان شاء الله الفكرة ببساطة اننا عاوزين كل المدونات الى هتشترك معانا فى الحملة دى هتحط شعار المستشفى
واللينك الخاص بالمستشفى على المدونة الخاصة بكل واحد هيشترك بأذن الله معانا وكمان فوق الشعار هتكون كلمة
( اتبرع وانت فى بيتك ولو بجنية او دولار من هنا )
والناس الى مبتدئين فى المدونات هشرح لهم بطريقة مختصرة ازاى هيحطوا الصورة واللينك وهى

( انكوا تفتحوا صفحة التخطيط فى مدونتكم وبعدين اضافة اداة وبعدين نختار من اضافة اداة اختيار اضافة صورة
وبعد كدة لما تفتح نحط فى خانة اسم النموذج الكلام الى اتفقنا علية وهو
" اتبرع وانت فى بيتك"
وفى خانة وصل هنحط اللينك بتاع موقع مستشفى 57357 والى هو
http://www.57357.com/Default.aspx?PageContentID=8&tabid=155

وبعد كدة هنضيف الصورة بتاعة المستشفى وهى موجودة اعلى الموضوع بتاعى فوق وبس وجزاكم الله خيرا )
علشان فية ناس كتيرة متعرفش عن طرق التيرع الى هى كتيرة ومش معروفة وممكن تحقق عائد كبير جداا جداا
ومش متركز عليها فى اعلانات التلفزيون والراديو ووسائل الاعلام
وهدفنا فى الحملة دى اننا نوضح طرق التبرع المتعددة الى بدورها هتجيب عائد
اكبر واكتر لو كل واحد استخدم ولو طريقة واحدة وهو فى بيتة وهقولوكوا نبذة
عن طرق التبرع دلوقت :- ....


1 - البنوك :- (ودى متركز عليها كتير فى وسائل الاعلام ومش هنخوض فيها ) .

2- انترنت الخير (هنركز اكتر عليها ):-يمكنك التبرع من خلال أستخدام ارقام انترنت الخير :
07775757 أو 07075757 بنفس سعر المكالمة العادية كما انه يمكنك حساب صافي قيمة ما تبرعت به بأستخدام عداد الخير ...


3 - التليفون (هنركز اكتر عليها ):-
يمكنك الاتصال برقم 1468 أو 2357 من اي تليفون محمول او برقم 09009555 أو 09000957
و التبرع لصالح المستشفى اثناء استماعك للرسالة الصوتية . سعر الدقيقة جنيهان

4- بطاقة الائتمان (هنركز اكتر عليها ):-
خدمة جديدة تقوم بها مستشفى 57357 لتسهيل التبرع بالتعاون مع بنك مصر و شركه Verisign العالمية لتأمين المواقع على الانترنت.
يمكنك التبرع بأي عملة صدرت بها بطاقتك الائتمانية في أي بلد في العالم بما يعادلها من الدولار
و ستقوم مؤسسه فيزا و ماستر كارد بتحويلها إلى دولار .
فقط اضغط على اختيار دولار ,فنحن بحاجة إلى العمله الصعبة لتمويل عملية استيراد الأجهزة و المعدات الطبية .

5 - البريد المصرى (هنركز اكتر عليها ):-
يمكن التبرع فى اى فرع من فروع مكاتب البريد المصرى لحساب رقم 26386

**** حملتنا على ال facebook ( ودى اهداء من مدونة قطرات ندى . جزاها الله خيرا ) :-


الى يحب يشارك بعمل شعار للحملة وعندة معرفة بالفوتوشوب
ويصمم شعار خاص للحملة يبقى جزاة الله خيرا وربنا يجعل عملة فى ميزان حسناتة ان شاء الله .
واليكم لينك الجروب على الفيس بوك :-

**** وبعد ياجماعة ماستعرضنا كل حاجة عن الحملة عاوزين بقى ان شاء الله ن
بدأ بقى بأذن الله وتكون على خطوتين ان شاء الله :-
1 - ان كل صاحب مدونة او اى حد يقدر يساعد او اى حد يعرف صاحب مدونة يقولة على الموضوع والى
معندوش مدونة ومشترك فى موقع يقدر يحط الموضوع ويبقى عمل خير ربنا يجزية علية بأذنة تعالى
وبعد كدة نرجع للمدونين نحط زى ماتفقنا الصورة الى موجودة بالاعلى واللينك زى ماشرحنا عن سابق ...
وتخيلوا ان شاء الله لو كل مدونة زارها فى اليوم 100 شخص او 200 شخص وضغط على اللينك
وعرف طرق التبرع واتبرع تخيلوا الخير الى هيعم شكلة اية يأذن الله تعالى وان شاء الله ربنا هيوفقنا
علشان نيتنا خير ان شاء الله وصدقة جارية كمان فى مدونتكوا ان شاء الله..
بقول رسول الله صلى الله عليه و سلم :
« إذا ماتَ ابْنُ آدَم انْقَطَع عَملُهُ إلاَّ مِنْ ثَلاثٍ : صَدقَةٍ جارية ، أوْ عِلمٍ يُنْتَفَعُ بِهِ ، أوْ وَلدٍ صالحٍ يدْعُو لَهُ » - رواهُ مسلمٌ
.

2 - نحدد يوم نحط الموضوع دة كلة بكامل تفاصيلة على المدونات الى هتشترك معانا فى الحملة ويكون يوم موحد ان شاء الله لكل المدونات وهنعرف اليوم دة من خلال تعليقاتكوا على الموضوع علشان يقرا اكبر عدد
وتعم الفايدة والخير علينا كلنا بأذن الله وربنا يكرمكوا يارب ويوفقكوا ويثبتكوا على العمل الصالح وعلى شكرة وحسن وعبادتة اللهم امين ...
ومستنى ردود فعلكوا
ومشتركين ان شاء الله فى الحملة بأذن الله تعالى وانا واثق ان اهل الخير كتير والمدونات برضوا عددها كبير وان شاء الله الخير قادم بأذن الله ..
والسلام عليكم ورحمة الله وبركاتة ... وكل سنة وانتم طيبن .
(ساعدونا فى النشر ليعم الخير بأذن الله ) .

Author: ومازلتُ أتعلم
•1:24 ص


يالا يارمضننننن يالا ياواد ياسحلاوى يالا ياعيال
هنروح الجامع النهاردة ليلة القدر

يتثاءب رمضان بكسل : اااااااه حضرتى الأكل؟

أه يارمضان وأتصلت باخواتى اللاتنين وعيالهم واختك وعيالها هنروح مع بعض كلنا

جبتى المايه والساندودتشات والزبادى والحصيرة؟

ايوه يارمضان مانستش حاجة


ماماما جبتى المسدس الطلق

ايوه ياسحلاوى حطاه فى الشنطة


يابابا هو ليه فيه ليلة قدر واحدة

كفاية يابنى إحنا مش بنقدر أصلاً نقوم الليلة ديه ..كفاية!
***********
فى المسجد

وعند الركعة الثامنة
يبدأ رمضان فى التثاءب ويكلم نفسه
لاياواد يارمضان شد حيللك متضحكش الناس علينا واجمد ياواد وكمل للأخر
أمال فين سحلاوى كان واقف جنبى بيصلى


سحلاوى ينطلق الى مصلى النساء ومعه المسدس الجديد بمناسبة العيد
وطااااااااااااخ ...ضرب نار فى الستات
أركب الهوى
يستمر سحلاوى فى طلق النار من المسدس
روح يابنى تحت خلينا نعرف نصلى روووووووووح

****************
يذهب رمضاان بعد الفجر الى بيته ويرمى جتته على السريرويسقع بطيخه ويناااااااااااام
وتذهب كريمة الى المطبخ لتجهيز حكك العيد

رمضنننن رمضنننن رمضنننن
عايزين سكر ودقيق ولبن وسمنة علشان الحكك

اييييييييه ليه مش كفاية الهدوم اللى جبتوها إمبارح أجيب ده كله منين

لالالا يارمضان أنت مش عايزنا نجيب حكحك

كفاية أكل أكل أكل إحنا كل مناسباتنا أكل
رمضان أكل
والعيد الصغير كحك
والعيد الكبير لحمة

وشم النسيم فسيخ

كله أكل أكل

***********
كفاية كده النهاردة أنا بس داخلة فى السريع كده
اسلم عليكم نفر نفر نفراية
واقولكم كل سنة وأنتم طيبين


ويارب يكون عيد جميل عليكم وتكونوا بخير

ومتنسونيش فى الدعاء

وعايزة أوصل طبق الكحك والغريبة ده
لأاستاذنا

أستاذ هانئ



بالهنا والشفا


ده بدل الهرم بتاع الغريبة اللى كنت طلبته منى
بس مخبزناش السنادى علشان ظروف وفاة عمتى وكده

كل سنة وانتم طيبين

بكرر مرة كمان أوعى حد يمد أيده ع الطبق غير استاذ هانئ :)




Author: ومازلتُ أتعلم
•12:43 ص
مدفع الإفطااااااااااااااااااااااااااااااااااااااااااااا اااااااااااااااااااااااار
اضـــــــــــــــــــرب





يتحول بيت رمضان فجاءة الى اوبرا من نوع خاص


وكلوكوللككك...برق برق برق برق..تك تكتكت


سيمفونية رائعة من صوت المعالق فى الاطباق وتخبيط الحلل وبلع الاكل وشرب المااااااااااااااااااء


يعقبه سيمفونية أخرى من أصوات أكثر قرفاً لا نريد ذكرها لانها لم تسجل على السلم الموسيقى حتى الان


يدخل صوت تقليب القنوات وخناقة العيال على الريموت اللى فضل يتحدف من عيل للتانى لحد ماوصل للواد سحلاوى


ويقع الريموت من ايد سحلاوى وهو غرقان فى طبق الملوخية والشوربة


رمضان*اييييييييييييييييه حرااام عليكم أجيبلكم ريموت تانى منين


سحلاوى:*ريموز؟..ريموز من عند الفكهانى

أنا عايز ريموزززززززززززززززززز انا عايز ريموزززززززززز موووووووووووووز


رمضان: حرام عليكم هنقلب القنوات ازاى دلوقتى



سحلاوى: نقلبها بالمعلقة بتاع الجيلاتى انا عايز جيلاااااااتى

جيلاااااااااااااااااااااااااااااااااااااااااااااتىىىىىىىىىىىىىىىىىى

كريمة (مرات رمضان): بسسسسسسسسسس...قوم ياسحلاوى يالا علشان تصلى مع بابا


* لا انا عايز اقعد اتفرج ع التلفزيزون


**يالا سحلاوى قوم البس




فى الطريق الى المسجد



بابا هو إحنا هنصلى كام ركعة


هنصلى 4 ركعات عشا و8 تراويح


طب ينفع اصلى ركعتين عشا واروح العب مع اصحابى قدام الجامع


ماشى ياسحلاوى بس متعملش شقاوة




اثناء الصلاة

طخخخخخخخخخخخخخخخخخخخخ...طششششششششششششششششششششش


يخرج المصلون من الجامع ليجدوا سحلاوى متزعم عصابة من المتشردين وبيحدفوا بعض بالطوب


اللى كسر ازاز المسجد....وينظرون الى رمضان نظرة غضب على عملة ابنه المنيلة



يدخل رمضان البيت


ياكرييييييييييمة شوفتى ابنك المحروس عمل ايه

انا قلتللك ده صغير ميجيش معايا يروح معاكى انتى يصلى


**لا الستات فى الجامع اشتكوا منه


*خلاص ماتروحيش تصلى ويقعد معاكى فى البيت


رمضننننننننننن..متخلنيش اخسر صيامى عليك


**لا ماتصوميش احسن بقى



وتستمر الخناقة لحد مايكسب اللى نفسه طويل


**************

يستيقظ رمضان من نومه فجاءة علشان يلحق شغله وهو نعسان


بعد سهر طول اليل لحد الفجر بيتابع المسلسلات والبرامج


وماشاء الله مش بيفوت حاجة ابداً


كله مسجلة فى دفتر بالمواعيد بتاعته


يدخل رمضانة المكتب فى الشغل


ومافيش ناس موجودة فى الشغل...لا لحظة..فيه شوية موجودين


بس واخدين وضع الكراسى تماما وأخر راحة وهدوء


زميل رمضان: براحة يارمضان هتصحى النايمين


اصحيهم ايه؟ فين الكرسى اللى هنام عليه

اهو هناك يالا بالرااااااااااااااااااااااااحة هووووووووووووووووووس هدوء ...عايزين ننام





يدخل واحد فجاءة المكتب




* يااستاذ انا عايز اخلص الورق ده


*فوت علينا بكرة......................لا اقصد بعد العيد

*افوت عليك بعد العيد الساعة كام



معرفش ياحضرت..تعالى اسال قبلها على المواعيد الجديدة بعد العيد



وبالراحة يااخويا..هدوء..هتصحى النايمين وكل سنة وانت طيب..إنت ايه اللى نزلك من بيتكم اساساً



اقفل ياعم الباب علشان محدش يدخل تانى





يعود رمضان الى البيت بعد اخذ قسط بسيط من النوم فى المكتب


ها ياسحلاوى فيه ايه فى التلفزيون النهاردة


فيه فيلم اسمه البنات المنحرفات


ياااااااااه لا لا استغفر الله العظيم إحنا صايمين شوف غيره


طب فيه مسلسل بتاع زيزي شاهين الجامدة


ياااااااااه استغفر الله إحنا صايمين دلوقت..طب بقولك تابعه وشوف الاعادة امتى بعد الفطار نتفرج عليه


حاضر يابابا

بس اوعى تقول لامك


حاضر يابا

******************

الحمد لله

عايزة اوريكم فيديو اكيد كتير منكم شافوه

اللى بيتابعو مصطفى حسنى

الفيديو ده تشوفوه وتقولوا الحمد لله على كل حاجة


بجد ست قدوتها الرسول

ياريتنا نبقى زيها