فاعليات سباق الكارو
Author: ومازلتُ أتعلم
•10:53 ص



فاعليات سباق الكارو






عندما تتجه أنظارنا جميعاً هذه الأيام إالى فاعليات سباق الكارو

وليس



car
ويبدأ العد التصاعدى


(وليس التنازلى)
الذى يشتهر به ابناء الوطن العزيز
1
2
3
انطلق

لتتنطلق عربات الكارو فى شوارع القاهرة العامرة
لتلقى أكبر فاعليات سباق كارو يشهده العالم
(سباق الحمير)
يلتف المشجعون من أبناء الكارليرسمو سوراًأو حاجزاً حول مكان السباق


ومنهم من ينتظر دوره فى السباق
كأى إنسان يحلم بالإستمتاع بعض الوقت
ولكن عندما لايجد مايستمتع به إلا لقمة عيشهومصدر دخله


يتكيف مع إمكانياته لكى تصبح للمأكل وأيضاً للمتعة


هكذا تعودنا من المواطن المصرى البسيط....الذى ابتدع ثقافة التكيُف


(وليس التكييف)




ومع إرتفاع حدة السباق


الذى يجوب شوارع المنيب وشوارع الاسكندرية أيضا

 ً
وإرتفاع العشوائية وفشل المرور
تصعد الأتربة إلى عنان السماء
فهوه سباق اعتاد اصحابه على هذا التراب والغبار...ولايكتم انفاسهم بل يحول رؤيتهم فقط


ومع تكرار السباق صباح كل سبت من كل أسبوع
تتكر مأساة المواطنين فى المنطقة وتتكرر الشكاوى للمرور الذى بات ينصب الفخوخ والكمائن للإيقاع


بهولاء العابثين الذين يلعبون.....


وكأن فئات الشعب المصرى الأن باتت تنظر إلى بعضها على انهم السبب فى ضياع المجتمع المصرى وتخلفه
المارين يرون تصرفات اصحاب الكارو تصرفات متخلفين...

(يغوروا هما وامثالهم جايبين البلد لورا)

والمرور مافيش منه فايدة تلاقيهم واخدين شوية فلوس

واصحاب الكارو بيقولوا حقنا...

(كنا لاقين مكان فى نادى الجزيرة ولا الأهلى وملعبناش..مش كفاية مش لاقين ناكل)
والمرور شايف إنه هيقطع نفسه يعنى

و كلٌ منهم عجز عن إيجاد حل يرضى جميع الأطراف

الحل هو...مهرجان لسباق الكارو...مهرجان شعبى تنظمه الدولة


مثل اى مهرجان شعبى فى مختلف انحاء العالم حتى انحاء العالم المتقدمة..مش المتخلفة بس


ليصبح سمة اساسية فى ثقافة الشعب
يدعو له الاعلام وأيضا تلتف حوله السياحة


واحنا مش اقل من اللى بيعملوا مهرجانات سباق ديوك...(حتى الحمير فصيلة راقية شوية)
مكان مخصص لإقامة المهرجان....تنظيم كامل


لارضاء هؤلاء الذين يطمعون فى لحظات سعادة وترفيه ...وإن كانوا من الطبقات الفقيرة


وإن كان الشعب المصرى لايمتلك الفيرارى ليستمتع بها....
فدعوه يستمتع بما استطاع امتلاكه....
وبس كده
......
| التعليقات (16)
تانى تاج
Author: ومازلتُ أتعلم
•9:33 م


تاج من أختى وحبيبتى أم البنات

تاج الاحلام ده مهم أووى


بس أنا هجاوب عليه بصدق وبساطة شوية


مبدئيا كده أحلامى متعلقة بمراحل حياتى وكل مرحلة وليها أحلام حتى لو إفتكرتها وضحكت


أذكر خمس أحلام على الاقل ..تخص ماضيك وتحلم فيها بتغيير اشياء ..ماذا ستعدل وماذا ستترك؟؟


أولاً: كان نفسى أدخل إعلام زمان..بس دخلت صيدلة برضايا علشان أفرح أهلى بس مش أكتر


ودلوقتى متنازلة تماماً عن الحلم ده وبحب صيدلة جداً جداً


مهنة محترمة

ثانياً: كان نفسى برده أبقى بعيدة جداً جداً


بس بعيد عن الارض كلها وعن كل الناس


نفسى اخد سفينة للبحر وأقعد بعيد عن الناس كلها


لحد دلوقتى الحلم ده بيراودنى كتير لما بتضايق


مشكلتى لما بضايق...بمشى

ثالثاً: زماان كان نفسى وهتجنن أشترى عربية نيسان:)


معرفش اشمعنى.. أنا مش بفهم فى السيارات اووى


بس دلوقتى عايزة اى عربية علشان زهقت جداً من التكاسى

رابعاً: كان نفسى زمان أسافر بلاد كتير منها باريس ومتمسكة بالحلم ده


خامساً: حلم عبيط بس بالنسبالى متعة


إن الناس اللى فى مصر كلهم يمشوا وأقعد أنا لوحدى فى البلد أجرى فيها بالبيتناج


طفلة بقى

أذكر خمس أحلام على الأقل ..تخص مستقبلك


أولاً: أغمض عنيا وأفتحها ألاقى النتيجة بانت واتخرجت


ثانياً: احلام متعلقة بمستقبلى بعد كده وشغلى


بفكر كتير اوى فى الموضوع ده حالياً


بس مش عارفة أقرر هاعمل ايه ومحتاجة حد يفكر معايا وأخد القرار

ثالثاً:نفسى أقدر أخلص الكتب اللى عندنا فى المكتبة بتاع البيت


منها كتب قديمة جداًًًً جداً ونفسى أقراها

رابعاً: نفسى التزم فى الحجاب الصح بقى..مش راضية عن مستوى حجابى أوى


للاسف بضغف جداً قدام اللبس والموضة وممكن أشترى أى حاجة حتى لو لبستها بس فى البيت


بدأت فى خطوات كده وربنا يسهل وأقدر أكمل


خامساً:مكة والمدينة وحشونى جداً زى كل الناس نفسى أروح هناك وأقابل كل اللى بحبهم هناك

سادساً: عندى حاجات كتير كتير بس كفاية كده عليكم

أذكر شخصين على الأقل .متواجدين فى حياتك حاليا ..كنت تود وجودهم قبل الآن بزمن ?

1*القران ..الحمد لله مع تقصير ساعات بس بيقربنى جداً


2* اغلب اصحابى دلوقتى مكنتش اعرفهم زماان وياريتهم كانوا يبقوا معايا من زمان


واعزهم على قلبى من زمان هيه معايا جوجو ويمكن مش هتشوف الكلام ده


أذكر شخصين على الأقل غير متواجدين فى حياتك حاليا كنت تود وجودهم الان او فى حياة اولادك مستقبلا .. ؟

الرسول طبعاً ونفسى تكون صلة قريبة اوووى وشخصية بيه ويكون جنبى ديما

جدى الله يرحمه علمنى كتير..وبعد وفاته من 3 سنين


بيجيلى فى المنام كتير ويقولى على الاخطاء اللى بعملها وينبهنى


ياجدو اديلك كتير مش جيت..تعالى بقى وحشتنى اووى


اصحابى ش وهـ

إفترقنا من 3 سنين تقريباً..كل ذكرياتى معاهم وذكريات صبايا ولعبنا


مش قادرة انساهم لحد دلوقتى ومعرفش هما فين


افترقنا من غير كلام


وبعد 3 سنين لسه دموعى بتنزل حزن عليهم


لكن كبريائى بيمنعنى من إظهارها


هاقولهم


لسه لحد دلوقتى الناس لما بتشوفنى بتسالنى عليكم..مش بعرف أرد... يرضيكم كده؟"

كفاية كده دوشتكم

امرر التاج ل

بنت ابيها( وكده المجموع تاجين)


من القلب


أ.هانئ (نط فى الكوز)


موناليزا (بحاول معاكى تانى يمنك تقبلى)


عاشقة الاحزان انوسة


كيارا


بولا حلمى (هتجاوبى يعنى هتجاوبى)


أ.محمد البنا


(صاحب مدونة طريق النجاح)


الأمير


كاتب مصرى


دعاء


ملكة فى بيتى


وكل حد هيرد هياخده


مافيش اعتذارات

| التعليقات (21)
التزام ولا كلااااااااام
Author: ومازلتُ أتعلم
•8:47 م
إلتـزام..... ولا كــــلام

" عندما قرات عن الالتزام أثرنى بجماله وحلاوة الإحساس به..
وعندما سمعت عنه قررت أن أجربه أن أكون من هولاء الذين سبقونى الى الجنة..
إنها نشوة ..مابعدها نشوة...فرحة القرب من الله...وهموم إنزاحت من على العاتق...وجبين ابيضّ من كثرة السجود"


من منكم سبقنى إلى هذا الشعور....جميعكم!!!...

نعم جميعكم سبقنى إليه...وأحسّ به..ليوم أو يومين أو حتى ساعة واحدة

سوف ألتزم وهاهى بداية الالتزام

ولكن

تأتى زينة الدنيا وخداعها لتغرينا... فنضعف أمام هذه الدنيا وأمام أنفسنا....

وتكون العودة مرة اخرى من غير إلتزام

نرتكب ذنب وراء ذنب..ماشعرنا به ومالم نشعر


(اقْتَرَبَ لِلنَّاسِ حِسَابُهُمْ وَهُمْ فِي غَفْلَةٍ مُعْرِضُونَ(1)
مَا يَأْتِيهِمْ مِنْ ذِكْرٍ مِنْ رَبِّهِمْ مُحْدَثٍ إِلَّا اسْتَمَعُوهُ وَهُمْ يَلْعَبُونَ) (الانبياء:2)


انت فى غفلة وقلبك ساهى************ذهب العمر والذنوب كماهى



""انا مش بعمل حاجة غلط يعنى..مش للدرجة...أنا أحسن من غيرى كتير...وبعدين ربنا غفور رحيم""



أه ربنا غفور رحيم لكن إنت مصر على الذنوب وبتقول ماناهابقى استغفر ربنا بعدين

ده ربنا من مغفرته ورحمته وحنيته عليك ..لسه بتعانده وبيغفرلك

ألست فى خجل من الله
ولا اعلم اذا كان الله تعالى يقبل هذا الاستغفار أم لا



فالمغفرة تاتى بعد توبة كاملة لوجهه الكريم


قال ابن قيم

قال لى رجل من المنتسبين الى

الفقه أنا أفعل ما أفعل ثم أقول سبحان الله وبحمده مائة مرة
وقد غفر ذلك أجمعه
كما علمني عن النبي صلى الله عليه وسلم
أنه قال من قال في يوم سبحان الله وبحمده مائة مرة
حطت خطاياه ولو كانت مثل زبد البحر





إنها خدعة خدعك بها الشيطان وزين لك اعمالك
وأغراك بغفران الله لك مع إن مغفرة الله تاتى بعد توبة



"وهبقى اصلى وهاصوم واعمل حج وربنا يغفرلى ذنوبى
وهاتوب بركعتين تغفر ذنوبى"

طيب انت مين قالك ان ربنا
هيغفرلك شئ انت بتعانده فيه ومصر عليه


(قُلْ هَلْ نُنَبِّئُكُمْ بِالْأَخْسَرِينَ أَعْمَالاً
الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعاً) (الكهف:104)


عندما قرأت عن الاختلاط أو سماع الاغانى

أو السهو عن الصلاة
أو غض البصر اووو.. اووو

هل قررت الالتزام؟؟؟؟؟

طيب ده كان إلتزام ولا كلام؟؟

اذا كانت اجابتك لا مش هلتزم

يبقى ادعى ربنا يهديك لانك للاسف هين على ربنا

اوعى تكون هين على ربنا
لو هونت على ربنا هيسيبك تعمل الذنوب وأنت وراحتك
لكن لو ربنا بيحبك
يمكن يخليك تقرأ موضوع أو كتاب يفكرك بيه
وترجعله تانى ويساعدك فى التزامك ده
ربنا بيحبك وعايزك تدخل الجنة بس انت اللى بتعانده
ومش واخد بالك من كل الحب ده



طيب اجابتك اه عايز التزم..بس بقع كتير

اذن لاتكن عبد لنفسك
(ويؤسفنى التعبير)
عبد لهواك
وتهورك
عبد لشهوتك

فالشهوة تصير الملوك عبيداً
والصبر يصير العبيد ملوكاً






هتقع كتيربس هتقوم تانى لانك قوى


التزام بقى ولا كلام
بتضحك على مين
بتمثل على مين
ده ربنا اللى شايفك ومطلع عليك وهوه اللى هيحاسبك


ملتزمة وانتى لسانك بيخوض فى اعراض الناس
وانتى لسه حجابك مش صح

ملتزم وانت عينك بتاخد بيها ذنوب


تعلم السيادة يا أخى...إزاى؟؟

1* سيطر على نفسك

مشكلة النفس ايه؟

انها ضعيفة ومشتتة بتروح لطرق كتير غريبة
متقولش أصل انا ضعيف
لا يعنى تبقى عبد وضعيف كمان
مستحمل نفسك كده ازاى



لازم تجاهد نفسك



قال على بن ابى طالب ...ما انا ونفسى إلا كراعى الغنم كلما ضمها من جانب انتشرت من جانب آخرومن أمات نفسه يلف فى كفن الرحمة ويدفن فى أرض الكرامة ومن أمات قلبه يلف فى كفن اللعنة ويدفن فى أرض العقوبة




ومجاهدة النفس ليها ثواب كبير جداً ياجماعة لو فكرت فى حاجة غلط
وبعدين رجعت فى كلامك هتاخد حسانات

ليه؟؟؟

أولا خفت من ربنا...والخوف من الله يدخلك الجنة
ثانيا جاهدت نفسك وانتصرت عليها
قال سليمان بن داودو عليه السلام
ان القاهر لنفسه اشد ممن يفتح مدينة لوحده

وقال صلى الله عليه وسلم أقوى الجهاد جهاد النفس


ثالثا انت كنت هتعمل حاجة غلط كنت هتاخد بيها ذنبوب ب
الرغم من انها قدامك تعملها.. مارضيتش
فهتتكتب حسنات



2*كثرة الدعاء والذكر

الذكر بيبعد الشيطان وبيرقق القلوب

قال قيس بن حجاج: قال لى شيطانى دخلت فيك وانا مثل الجزور وانا الان مثل العصفور ،فقلت ولما ذلك، قال تُذيبنى بذكر الله




ولما تدعى ربنا يقف جنبك وهيسندك
تعمرك ما هتلجأ لربنا بدعوة ويصدك ابدأ
بس ادعى بجد بدموع من غير نفاق ولا رياء


3*تجديد النية

كل شوية اجدد النية
انا خلاص هبقى ملتزم
انا خلاص بقيت ملتزم
انا غلطت فى اللى فات
فى ايه مش هاكرره
طيب مااشوف غلطى فى كذا وكذا وابطله
تجديد النية مهم جداً




قرأت كلمات ابن قيم بيقول ايه


أن الذنوب إذا تكاثرت طبع على قلب صاحبها فكان من الغافلين
كما قال بعض السلف في قوله تعالى كلا بل ران ! على قلوبهم ما كانوا يكسبون
قال هوالذنب بعد الذنب
وقال الحسن هو الذنب على الذنب حتى يعمي القلب
وقال غيره لما كثرت ذنوبهم ومعاصيهم أحاطت بقلوبهم
وأصل هذا أن القلب يصدي من المعصية فاذا زادت غلب الصدي
حتي يصيررانا
ثم يغلب حتي يصير طبعا
وقفلاوختما فيصير القلب في غشاوة وغلاف
فاذا حصل له ذلك بعد الهدى والبصيرة
انتكس فصار أعلاه أسفله فحينئذ يتولاه عدوه ويسوقه حيث أراد




ياااااااااه ياجماعة تخيل قلبك اللى جواك ده
قلبك اللى اغانى واشعار بتتغنى فيه وعنه

عند ربنا مصدى..يعنى فيه صدأ وعليه غشاوة

تخيلوا ازاى




لسه برده ماخدتش بالك ان لازم تبقى سيد
يعنى عبد وضعيف وماشى بقلب عليه غشاوة
طيب بجد مستحمل نفسك كده ازاى


4*أقرأ فى أحكام الإلتزام الحقيقى
ودور بنفسك عليه



فى النهاية



(وَاللَّهُ يُرِيدُ أَنْ يَتُوبَ عَلَيْكُمْ وَيُرِيدُ الَّذِينَ يَتَّبِعُونَ الشَّهَوَاتِ أَنْ تَمِيلُوا مَيْلاً عَظِيماً) (النساء:27)


*************************
بقلمى
كتب قرأتها قبل ماأكتب..لو عايزين تقرأوها
مكاشفة القلوب للغزالى
باب 2/4/5/6/7/8/96/87

واول فصول
الجواب الكافى لمن سال عن الدواء الشافى
لابن قيم الجوزيه

****************
وده اخر ماكتبت
اتمنى يكون افادتكم
وادعولى انى اعمل بيه
 ءامين
| التعليقات (23)
ومازلت أتعلم...لن يجدى الهروب
Author: ومازلتُ أتعلم
•6:50 م

ومازلت أتعلم...لن يجدى الهروب





وسيل من الصعابِ أغرقتنى وليس لى مجير


بركانُ أخطاءٍ أشعلتنى فأنضجت فكرى الصغير


وحقيقةٌ أخافتنى فأرتفعَ صوتُ الضمير


لن يُجدى الهروب ..فأعلنى صمود المسير






جزء من حاجة كده كتبتها

يارب تعجبكم




أنا مش ناسية التاج ياأم البنات

هارد عليه فى البوست الجاى

بس ادعولى اعدى من أول مادة

| التعليقات (11)