يوميات أستاذ رمضان
اصحى يارمضنننننن....رمضننننننننننننننن..قوم النهاردة الجمعة أجازة وبكره صيام
قوم علشان تجيب الياميش
ايه مين ايه...النيش؟؟ مش انا جبتللك نيش وكتبتيه فى القايمة
نيش ايه بقوللك ياميش وعايزاه من العبد
العتبة؟؟؟ اه حاضر حاضر عايزاه بصباع ولا زنوبة
رمضننننننن فوق كده وكلمنى عدل عايزين ياميش انا والعيال من العبد يحطهولك فى شنطة شبه الفانوس
عايزانى ارشلك الناموس...حاضر ياحبيبتى سيبينى انام شوية واقوم ارشللك الناموس
رمضنننننننننننن قوم وفوق (وتدوس على سنانها على سبيل الرعب والتهديد)
يدخل الواد السحلاوى ابنه
بابا بابا هاتى وانت جاى لوزدق عايز لوزدق..لوزدق لوزدق لووووووووووووزدق
يقوم رمضان مغلوب على امره بعدما فشلت كل محاولات الطرش والعته والاعاقة اللى
نزلت عليه فجاءة
فى صرف ام العيال عن فكرة شراء الياميش
*********************
فى طريقه الى العبد ينزل رمضان فى وسط البلد وانتو عارفين وسط البلد...يوم الجمعة...باليل...:)
فى طريقه يصطدم فى شارع 26 يوليو بهجوم مفاجئ...هجوم بشرى يحتل الارصفة
والشوارع ومزنق على العربيات
يوم الحشر
يمشى تاتا تاتا فى طابور بشرى رهيب للوصول الى العبد وهناك تبدا المعاناة ويبدا فى
التفكير فى التراجع عن شراء الياميش
(( علشان اجيب الياميش..ممكن اروح فطيس))
يكع رمضان الفلوس اللى حلته على ثمن كيلو لوذدق للواد السحلاوى وسبع بلح
وسدس جوز هند وخمس زبيب
وتضيع حسابات رمضان فى هذه الحسبة الصعبة قدام الكاشير
اللى قاله حرام عليك هات اى فلوس وامشى وخلصنى
************
رمضن...قوم علشان تتسحر
قوم ياراجل
اممممممممممممممم كررركرركرررر
قوم يارمضن...لازم تتسحر علشان متجوعش بكره
هوووووووووووووس كركركركررر
سيبنى اناااااااااام
بعد محاولات فى سند رمضان بطوبتين لايوقع على عفش البيت يكسره
استطاع العيال وامهم سنده لحد اوضة السحور
وعلى وشه علامات الانتفاخ الناتج من النوم
وعنيه مقفلة ولا مشرط مجدى يعقوب يقدر يفتحهم
اخد رمضان يزلط الفوول والبيض زلطاً مبرحاً حتى النوم,و
Zzzzzzzzzzzzzzzzzzzzzzz