السلام عليكم يا معشر المدونين
للى هيسأل عنى بقوله أنا أحسن من زماان
أه لسه زعلانة شوية...بس متأكدة إن ربنا مخبيلى خير فى شئ ما..
إستكمالاً لحكاوى بنات اللى بدأتها زمااااان فى أول تدوينى ويمكن أغلبكم مشفهاش
عايزين رأيكم فى إستشارة ما؟
********************
كانت مثل إى فتاة رقيقة وحالمة تحلم بزوج المستقبل تسعده ويسعدها
ترسم له صورة فى مخيلتها وكأنهما كالشمس والقمر
يلقى عليها بضوئه وحرارته فينعكس عليها حبه وينير لهم الطريق
كان يأتى لها الكثير من الخطاب..مراكز عالية..ولكنها واهلها يرفضون لأنهم غير مناسبين
هذا غير مناسب إجتماعياً..وهاك غير مناسب خلقاً
وغيره ليس متمسك بدينه
كانت تضع أحلامها فى زوجها فى نقاط..وتبحث عنها
تعلم إن كل إنسان غير كامل تماماً....فتضع أهم الصفات اللى لا تستطيع الاستغناء عنها...
حتى تقدم لخطبتها قريبها (البشمهندس)
نظرت إليه بعقلها فهو أكثر شخص مناسب لها دينا وخلقاً
فهو على خلق طيب وصاحب قلب حنون ويكفى أنها تعلم بحبه لها
لقد كان حبه قوياً وقديماً..وتحترم فيه أنه لم يريد التصريح لها إلا فى إطار رسمى....ولكنها توقفت عن التفكير
فقلبها لم ينظر إاليه..نعم لم ينظر إليه ولم يمل نحوه
هي: لا
أمها: ولماذا الرفض؟
هي: إنه مثل أخى،، أنا أعرفه جيداً
ولم أحس بأى ميل عاطفي تجاهه
أمها :ولما هو لم يعتبرك كأخته؟؟ وغيرك الكثير من الفتيات يقبلن بأزواج ويدب الله الحب فى قلوبهم بعد الزواج
هي: لا أعلم ياامى..لكنى أتخيله بجانبى مثل أخى
أمها: أعطنى سبباً مقنعاً للرفض أذكره لأمه
هي: إنه أخى...تفهمينى يأمى..إنه أخى..تربينا فى صغرنا وأعرفه ولست بحاجة إلى التعرف عليه من جديد
امها: الا تلاحظى إن رفضنا قد زاد عن حده..لا لالالالا..إالى متى سوف نقول لا... حراام
هي: أعلم أنه حرام..فمن جاءكم ترتضون دينه وخلقه فزوجوه...ولكن إين القبول
وأنا لم أحس بهذا القبول
امها: نحن لانغصب عليك حبيبتى...فبعدك عنى يوم زواجك سيقتلنى
واتمنى إن تظلى بجانبى
ولكنى أكبرمنكِ وأفهم عنكِ وأريدك أن تفكرى مرة أخرى لعل الهداية للصواب تكون من عند الله
هي: لاأعلم ياأمى لاأعلم...كيف أوافق عليه مبدئياً الان...ولا أستطيع تركه لانه قريب لى
فأجرحه وأجرح نفسى ولا اوفيه حقه...لا أعلم ..
***********************
أيه رايكم
توافق عليه ويجى الحب بعدين؟؟؟؟ ولا... لأ؟؟
27 التعليقات:
من خلال خبرتى فى الحياة اقول لها طبقى حديث رسول الله"إذا جاكم من ترضون دينه وخلقه فزوجوه"
وكفايه انه مع كده كمان بيحبها
ومسألة القبول والحب والحركات دى من ناحيتها هتيجى بعدين
طالما هى اصلاً مش بتحب حد
وبعدين هى عايزة ايه اكتر من كده فى زوج المستقبل
حبيبتى موناليزا
ياااااااااه
رأيك اثار فى نفسى كتير من التفكير
وجهة نظرك بصراحة
سمعتها قبل كده
بس ماقتنعتش بيها زى دلوقت
بــس
تفتكرى لو مجاش القبول بعدين
ايه اللى يحصل وخصوصاً انهم قرايب..
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
السلام عليكم
اولا تحياتى على هذا الموضوع ففعلا كثيراً من البيوت تعانى تلك المشكله فالقبول بزوج متقدم لخطبه ينقسم الى جزئين الجزء الاول و هو حديث الرسول صلى الله علية وسلم إذا جاكم من ترضون دينه وخلقه فزوجوه.....
و الشق الثانى وهو قبول الطرفين وهذا امر نسبى من وجة نظرى يجب ان يكون على الاقل فيه نسبة قبول لمشاركة هذا الطرف الاخر فى مسيرة حياته فيوجد حديث عن الرسول صلى الله عليه وسلم فيما معناه ان رجلا ذهب الى الرسول ليقول له اننى سأتزوج فلانه فقال له الرسول ارئيتها فقال لا فقال اذهب لتراها لعلك تجد ما يدعوك لنكاحها او كما قال رسول الله صلى الله عليه وسلم فأجد ان هذا الامر بالنسبة للمرأه ايضاً يجب ان تجد فى الشخص ما يدعوها للزواج منه .
و الله اعلم
ادعو الله ان يزوج بنات المسلمين و شباب المسلمين بالازواج و الزوجات الصالحات ..اللهم امين
ومازلت اتعلم ؟
ازيك يا دكتورة ؟
اتمنى ان تكونى بخير .
الموضوع هام جداً ، وبالرغم من ان الدين والخلق من السمات الاساسية التى يجب توافرها في الزوج .
الا ان جانب الحب والمودة من الاولويات ايضاً .
فأي بيت يؤسس على الحب والتقوى هو بيت ناجح وقد جعل الله والرسول من شروط الزواج هو القبول والمقصود هنا هو القبول النفسي والعاطفي بين الطرفين .
{وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجاً لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ }
صدق الله العظيم
تقبلي تحياتي على مواضيعك المتميزة .
محمد البنا
طريق النجاح
متهيألى توافق وأدام فيه صفات كتير عجباها
يبقى أكيد الحب جاى بعدين
السلام عليكم
انا بأيد رأي اختنا موناليزا
أصابت الهدف
وربنا يوفق ان شاء الله
على الأقل يبقى فيه القبول ..
و الحب و الاٍرتباط النفسى و العاطفى بييجى بعد الجواز بس بشكل مختلف شويه و ربما أقوى مما يتصور البعض ..
تتوكل على الله و تقبله طالما فيه صفات كويسه و مطمئنه لسلوكياته و طباعه و ربنا يوفق ..
تقبلى نحياتى و تقديرى ..
السلام عليكم
اهم شيىء يكون فى قبول
ناحيه الشخص علشان
متظلمهوش بعدين لو حست ان هيا
ممكن تتقبله كزوج وتقوم بحقوقه كامله
فتوافق على بركه الله والحب ده
بيكون ناتج للسكن والموده والرحمه
بين الاتنين وفعلا ممكن يجى بعد الزواج
بصورة اقوى واكثر عمق ومتانه
وياريت صاحبه المشكله تصلى صلاه الاستخاره
ربنا يكتبلها الخير حيث كان ويرضيها به
وكل سنه وانت طيب يا قمر
تقبلى تحياتى
فى حفظ الله
عزيزتي,,,, جميل ااوي البوست بالفكرة بتاعته ومضمونه بالشورى وغيره من اتفاااق
نبص للموضوع من الدائرة الكبرى الخارجية,,, مثل اخي... وده حااجز نفسي كبير جدا بيربط البنت بمن يتقدم لها مرتبط بهذه الجملة لديهااا بيعكس عليها حاجات كتير,,, خجل من مواقف كتير وخوف واهم نقطة في الخوف ,,,,خايفة اجرحه
الدائرة الداخلية,,,
احنامتفقين ان الزوااج هو مؤسسة بعيدة المدى لبنااء اسرة وتربية ابناء وتغير العالم و استقرار نفسي وغيره من الاسس
شيلي حواجز او حاولي تشيليهاا وانظري للشخص ده هل يتوافق فيه معااير انتي كنتي طالباها او تتمنيها في زوجك
فكري بعقلانية وبقلبك,,,
هل يصلح كشخص بسلوكه بدينة بعلمه بمستواه؟؟؟
هل القرابة هتعوق حاجات ولا لاء؟؟؟ وهل هي عائق في حد ذاته ولا لاء؟؟؟
جيبي ورقة وقلم وارسمي مخطط ليه هل تتوافقي معه ام لاء
عارفة انه هنختلف في انها مش معادلة او حساسابات على ورقة بس مش ده المقصود من قولي جيبي ورقة
المقصود استوضحي الصورة بالعقل حيث متظلميش نفسك ومتظلميهوش ومتظلميش حياة كل منكما الاخر
عسى ان تكرهوا شيئا وهو خير لكم,,,
ربنا يرزقك الخير والصواب كله...:)
سؤال محير جداااا
اولا احب اقول انى اشتقت لتدويناتك جدااااا
بصي زى ما قلتي وكل التعليقات والمعلقين قالوا :-
" اذا جاكم من ترضون دينه وخلقه فزوجوه "
بس دة مش معانها ان اى حد ييجي يتقدم نوافق عليه كدة بكل سهولة وبساطة لا طبعا
بس المسألة انها تفكر كويس شوية
يمكن في يوم من الايام بعد ما يتجوزوا تلاقي الحب اللى هى عايزاه
وبعدين شاب بالمواصفات دى والمواصفات دى كمان هى كانت بتتمناها
دلوقتي لما تيجي لها حتضيعها ليه
مش غريبة
انا صحيح اسمع او يمعنى اصح اعرف ان زواج الاقارب احيانا مش بينجح ( لا قدر الله )
رغم ان اختى من الناس اللى مرتبطين بالاقارب
لانها مخطوبة لاحد اقاربنا
بس الحمد لله ماشيين على الطريق المستقيم بفضل الله
وصدقيني
لو هو بيحبها بجد استحالة حيخليها تفكر بالطريقة دى
بالعكس حيخليها تحبه وتتعلق بيه اكتر من تعلقها بيه كـ ( اخوها )
دة رأيي واسفة انى طولت
akeed
اكيد حضرتك شرفتنى بالزيارة الجميلة ديه
راى حضرتك
أقرب راى ليا فعلاً
وحضرتك كفاية ذكرت الحديث بتاع القبول
ده الم بالموضوع تماماً
جزاك الله كل خير
MOHAMMED ELBANNA
أنا تمام والحمد لله
أهلاص بعودة حضرتك
حضرتك ذكرت القبول النفسى
زى ماقالت سابقا ده اهم حاجة
والقبول النفسى قبل العاطفى كمان
شكرا لرأيك اللى أسعدنى جداً
mohamed ghalia
لا هيه رفضت خلاص :)
وأهم حاجة إنه نصيب
شكراً لمرورك
وربنا يكرمك
قلم رصاص
موناليزا ديماً عندها فراسة ما
بنحسدها عليها
جزاكم الله خيراً
عمرو
أهلا وسهلاً بحضرتك
ونورت المدونة جداً
ليس فقيرا من يحب
حبيبتى منورانى
صلاة الاستخارة طبعاً ضرورية
وربنا يعمل الخير
♥ Am fOpa'D ♥
أهلاً أهلا بيكى
منورانى طبعاً
حلوة اوى التقسيمة ديه
ربنا يكرمك
وفعلاً امهم إنها تجيب كل شئ
وتحط العيوب والمميزات
وربنا يقدم الخير
لكل الشباب والفتيات
شكراً عالمرور حبيبتى
جنة الله
ربنا يكرمك ياجنة
ده أنا اللى اشتقتلك ياروحى
واشتقت لتدوينك
فيه حاجة كلكم نستوها مهمة جداً
هيه زواج القرايب
واضراره من امراض وراثية لو فيه
أنا شخصيا
مش بفضل خالص زواج الاقارب علشان كده
فى المجمل كده
رأيى أنـــــــــــــــا شخصياً
البداية تكون صح من الاول
يعنى فيه ناس مش بيهمها خالص
الاقارب وكده
والامراض من كده
وده أول عيب فى وجهة نظرى
ثانياً
كل بنت بتبقى على الاقل لو مافيش قبول
بتبقى فرحانة بوجود شخص بيحبها
وانه اتقدم
لكن هيه لو مش حاسة بالفرحة ديه
ومش حاسة بنفسها معاه
وشايفة أنه زى الاخ
مش هتقدر تديه مشاعر
يبقى من وجهة نظرى ترفض
القبول ضرورى اولا
وعـلــى فكرة
هيه رفضت خلاص............................
وأنا رايى متحش بالندم لأنه ده نصيب
شكرا لتفاعلكم ياجماعة
هي رفضت يعني الموضوع انتهي
بس اناهقول حاجة
انا من حوالي شهر اتقدمت لبنت عمي
وبردوا اترفضت وكان السبب اني زي أخوها
يمكن زعلت في الاول بس بعدها قولت انا فعلا اخوها احسن من زوجها
ودلوقتي علاقتنا كمويسة جدا
.............
معترض ع الصورة اللي فوق
حتي وان كانت مرسومة او غير حقيقية
فاره يعتبر نوع من انواع الاقرار بعدم الحجاب
السلام عليكم
هعزف لنفسى
اهلا وسهلا بحضرتك
وبحيك على روحك الطيبة
وتقبلك لبنت عمك ورغبتها...
بالنسبة للصورة
حذفتها خلاص
شكرا للزيارة اكيد
انا تقريبا جاية والموضوع شبه محزوم
وعلى فكرة انا باذن الله حيكون ليا بوست
بعد العيد اسمه وهل تقام البيوت على الحب
واساس البوست مقولة قالها عمر بن الخطاب
رضى الله عنه
مادام هى قالت انها تشعر انه زى اخوها
فلن تراه غير ذلك
على فكرة لكى عندى رد فى تحديث البوست
وانا مش ممكن انساكى فلقد ربطنى بيكى الحب فى الله
تحياتى
ايه بس اللى هيخلى القبول ماييجيش !
طالما هى بتعتبره زى اخوها يعنى ما بتكرهوش او ما بتستغلسوش فده فى حد ذاته بشرى كويسة
لان المشاعر بتبان من الاول حتى لو قرايب
والدليل على ده ان ممكن يكون ليكِ مثلا ابن عم ومتربيين فى بيت واحد وممكن كمان يكون اخوكِ فى الرضاعة بس انتِ من جواكِ ما بترتاحيلوش و ومش بتحبى تواجده فى المكان
لكن واضح ان البطلة هنا مش خايفة على قد ما هى قلقانة ودى حاجة طبيعية سواء معاه او مع اى عريس تانى هى ماتعرفوش
خليها تديله فرصته
وللمرة التانية بقول كفاية انه مع صفاته الكويسة دى بيحبها يعنى هو هيعرف ازاى يخليها تحبه
خليها تتوكل على الله وتعمل استخارة وربنا يهيئلها كل خير
طبعا توافق عليه من غير كلام
لان الحاجز النفسى ال مانعها ده بحجة انه قريبها هايزول بعد الزواج والعشره وبعد كده بيقولوا فى المثل ال بيتكسف من بنت عمه ميجبش منها عيل
هى بس حاله نفسيه مؤقته لانها مش متخيله ان قريبها ال فى مقام اخوها يكون زوجها
وهى لو رفضته تبقى غلطانه لانه عصفور فى الايد احسن من عشره على الشجره وال على الشجره ممكن ميجوش اصلا
او يجى اوحش منه
فهى تقبله وتقبله كمان مدام على خلق ودين هذا هو الاساس من ترضون خلقه ودينه والاهم تعمل استخاره قبل الموضوع ده
وبعدين لو هى فاكره انها علشان ده زى اخوها ومش عاوزه تتجوزوا علشان كده تبقى غلطانه وكمان ممكن تكون عملت معصيه
لان المفروض ان ده حلال ليها تتزوجه ولما ترفضه بالشكل ده فكده بتعطل شرع الله
لانها بتحرم حلال
وكل عام وحضرتك بخير
ورمضان كريم
وان شاء الله المدونه الاسلاميه دى هاتفيدك
http://noureldens.maktoobblog.com/
جزاكم الله كل خير يااخى للزيارة
وكل عام وحضرتك بخير
وفيكم ربنا يبارك اعزكم الله ووفقكم وكل عام وانتم بخير
نور الدين