أنا والناموس والجينات
أفادت مصادر علمية فى جمهورية مصر العربية عن ظهور أنواع جديدة من الناموس فى البلاد
وتفشى هذه الانواع فى كل حتة وفى كل أرض فى مصر
رغم عدم إنتباه الشعب المصرى إلى هذه الأنواع... وإنقراض الأنواع الأ خرى
الناموس المكتشف حديثاً...هو عبارة عن ناموس وجد فى مصر منذ الاف السنين
ولكنه تحور بفعل الجينات..هذه الطفرات التى ظهرت عليه أخيراً ناتجة من تغير
الجينات من جيل إالى جيل بفعل إنتقال بعض جينات الشعب المصرى إلى الناموس
عن طريق القرص واللدغ وشرب دم الشعب المصرى
اللى معندوش غير شوية دم يدوبك يكفوا قرص الناموس
وبعيداً عن فقر الدم الذى أصاب الشعب المصرى....
(مش هندخل فى حوارات دلوقتى خلينا ساكتين)
وجدنا إن الناموس المكتشف حالياً يتميز بالاتى:
(1)
الشكل: الناموس دلوقتى بقى بجناحين قصيرين وذيل طويل
(مش بقوللكم إنتقال جينات)
(2)
اللون: اللون أصبح أسمر...من لفحة شمس
أو..أصفر باهت..من أنيميا حادة أصابت الناموس
لأن جميع العناصر الغذائية غير متوفرة فى الدم اللى بيمصه
(3)
الطعم والرائحة: إيه القرف ده!!!!!!!!!!!!!!!!!!
(4)
التنبلة: الناموس الحديث بيتميز بتنبلة شديدة..إكتسابها بفعل إنتقال الجينات
تلاقى الناموسة من دول واقفة عليك...تهشها..مش بتتهش
وكأن لسان حالها يقول...ياأخى اضربنى بقى وخلصنى..أنا لسه هطير!
(5)
الرفاهية: الناموس قديماً كان كان بيتعب ويشقى ويصارع الرش والضرب وشعاره..
.أنا لازم أشرب الدم من عرق جبينى
لكن ناموس اليومين دول
سكن البيوت مش عايز يطلع يدور على رزقه فى الخربات والحدائق
واتسلطن تحت المروحة...ومش بعيد تلاقيه واقف على المروحة كمان
بعد ماكان زمان بيخاف من المروحة ويهج خوفاً من الأ عاصير الهوائية المدمرة..التى تؤدى بحياته..
(6)
الكيف: الناموس زمان كان بيخاف من قاهر الناموس ريـد
دلوقتى ممكن تلاقيه واقف جنب جهاز الإيزالوا والريد (اى والله)
ومتكيف وأخر تمام ومطلعلك لسانه وبيقولك
"هوه ده عز الطلب...ياسلام بقى لو بريحة الليمون"
(7)
النوع: الناموس أصبح مفرده ناموس برده
مش بقى فيه دلوقتى ناموسة...
الكرومسوم
Y
بقى يغلب عليه
ليه بقى؟؟
علشان الإقبال الغير طبيعى من الناموس على قرص النساء
وذللك بعد أكتشافهم إن جلد النساء رقيق وناعم..ويمكن إختراقه بسهولة
مش زى جلد الرجالة سميك...وكله مطبات
والرزق يحب الخفية"
وخلاص اختفى كرومسوم
X
وكله بقى مستـــــــرجل
معلش لو قرفتكم
بس انا اصلا مقروفة من ساعة مابدأ الصيف وأنا مخنوقة من الناموس
ومش بعرف أذاكر
أذاكر أيه بقى
مخلاص خلصت
لولولولوللولولولوىىىىىىى
الفكرة جاتلى من أستاذ أحمد المسلمانى فى الطبعة الأولى
أرجو أن تنال إعجابكم
44 التعليقات:
ربنا يعينك على الناموس
وعقبال النتيجة
بالتوفيق دايما
ههههههههههه
فكرة جمييلة والله وبوست توحفة
انا بقي بصدق كل حاجه تعرفي اني صدقت ف الاول ههههههه
لا بجد جميييل عجبتني اوي الحتة بتاعة الناموس التنبل ده :)
ولا الناموس المسترجل ههههههه عثل عثثثل ^^
تسلم ايديكي ياقمررر
دمتي بألف خيررر
ونورتيني :)
على كده بقى الناموس
بعد كام سنه هيتحور ويتدور
ويطردنا من بيوتنا بقى
ماهى فوضه
الناموسه من دول يبقى جوزها مطهقها فى عشيتها وتطلع قرفها علينا وتقرص بغل
ههههههههههه
ايه الهبل اللى انا بقوله ده
دا انا كنت افعصهم
امال هتجوز فين ؟؟؟
-------
بس بجد ضحكت كتير
اسعدكم الله
=======
بس الحمدلله معندناش نموس
رغم انها قريه ..!!!
ومش على الخريطه كمان
---
السلام عليكم
ياعينى عليكى وعلى الناموس
ربنا يعينك بجد
انا ساكن في المريوطية هرم
ومن سكان الادوار العليا
الدور العاشر
شرفينا هتلاقي كل اللي مفتقداة في الناموس
كل الالوان والاحجام وبيشرب دم وعصير قصب شغال
والحجم اللهم صلي عالنبي ولا وزير مجلسي الشعب والشورى السابق
ههههههههههههه
لاحول ولا قوة الا بالله
طب خدي حضرتك المعلومة دي بقى
الناموس عندي وصلت بيه القوة والجبروت والسطوة الى اني بجيب له اقراص الريد ياكلها زي البسكويت ، وبجيب له كفروسول بيبلع بيييييه
ههههههههههههههههه
بوست جميل جدا والله
انا ضحكت من قلبي والله
مزيد من التميز والابداع
في حفظ الله
ههههههههههههههههههههههههه
انا والحمد لله مش جربت الناموس فى حياتى غير مرة واحدة كنت فى البلد عند اهل ماما الشرقية
ومن ساعتها مش بروح الا فى الشتا وهما يومين
ممنوع اكتر من كدة
قال نموس
الله يكون فى عون اللى مجربه
السلام عليكم ورحمة الله وبركاتة
هههههههههههههههههه
ما هذه المعلومات الخطيرة
والله ما تريقة
اصل انا فعلا لحظت ان فى حاجة غريبة فى الاستاذ ناموس
ربنا يعافينا يا رب
وياخد كل الناموس
واهم حاجة انة بيعد عن ابنتى سلمى
اصلها صغيرة اوى على القرص
ههههههههههههههه
والف مبروك على عدم المذاكرة
دمت بالف خير
جحا المصرى
شرفتنى حضرتك بالزيارة
يارب أنجح يارب وأخلص
مش علشان حاجة
لا لاعلشان أفضى للناموووس
هبهدله
قلب ارهقته الاحلام
ياستى صدقى براحتك كله بقى ممكن هذه الأيام
بجد منورانى
ورب أيامك تبقى سعادة وضحك ديماً
الأمير
بس حضرتك متقولش معندكش ناموس
لحسن يسمعوك
هتلاقى جحافل جاية عليك
دارى على سرك
mohamed ghalia
ربنا يعنى جداااااااااااا
بس خلاص لا ناموس بعد اليوم
أنا هفوق عليهم
مصري جدا
ايه ده حضرتك ساكن فى المريوطية هرم!!
طيب أنا بروح عند خالى فى العمرانية
وعندى خال تانى قريب من شارع الهرم
نفسه
(معرفش فين بقى)
بس مش عندهم ناموس!!!
الهرم أنضربت ياجماعة
والشوارع بقى فيها خيار وفاقوس
لا بس بجد ايه ده
يعنى ناس فى قرية ومش عندها ناموس
وناس ساكنه فى دور عاشر وعندها نامووس
بجد انا هاشوف الموضوع ده
اكيد فيه سر
طيب أنا هاقول لحضرتك على حاجة
بيقوللك فى أوربا والدول المتقدمة
عندهم أرياف زى عندنا...وزرع ومواشى وكل حاجة
بس مش عندهم ناموس
هاموت واعرف اشمعنى
قلم رصاص
بيأكل الريد زى البسكويت وبيشرب وراه بيرسول!!!!!
أنا بدأت اتبع الوقاية خير من العلاج
بقفل الابواب بتاع الشقة والشبابيك كلها
ويبقى يقابلنى لو عرف يدخل أصلاً
أسعدك الله ياأخى
شكراً لمرورك الكريم
حبيبه سى السيد
ياستى ...هتقطعى صلة الرحم علشان الناموس
روحى الشرقية حتى الناموس بيضيف علامات رائعة
على الجسم..ومتعة كر وفر ليس لها مثيل
هههههههههههه
منورانى بجد
حتى تشرق الشمس
العسولة سلمى ربنا يحميها
يارب ويحافظ عليها
أنا ممكن اجيللك أفضل سهرانه جنبها أهشلها الناموس
ياخرااااااشى
عسل بجد
ربنا يخليهاللك
ناموس عمال يقرص يا اخويا مش عارف انام منه يا اخويا مش عارف انام
كيتو ده اسم القرص شغل جنان:)
فاكرة الاعلان ده:)
اهو كلامك فكرنى بيه
تعرفى الناموس فعلا بقى رخم اليومين دول زيادة عن اللزوم واللى يغيظ انه بجد ما بيتهشش
ده ناموس مفترس يا بنوته
ربنا يصرفه عنا يا رب
لوووووووووووووووووووووووووول
جامده جدا بجد الناموس اليومين دوول بقى معندوش دم ههههههههههههههههههه
السلام عليكم ورحمه الله وبركاته
وما زلت أتعلم .. ما شاء الله مدونتك جميله جدا والموضوع بتاعك رائع وفكرته حلوه ..
فعلا عدت بحس ان ناموس اليومين دول بقى طبعه غريب اوى
اسفه بس ممكن اطلب طلب صغير
انا مليش فى شغل المدونات اد كده ممكن اعرف كيفيه وضع الفيديو وكمان ازاى اعرض مدونات صديقاتى بالموضوعات الأخيره زى ما انتى عامله بالظبط
اسفه على الازعاج
السلام عليكم
موناليزا
منورانى بألف نوووور
طبعاً فاكرة الإعلان
أيام زمان مش تتنسى
(أم البنين)
ربنا يصرفه يارب
يارب
دمتى زائرة كريمة لى..
Butterfly
بقى معندوش دم
وبيفترى علينا
بس أرجع واقول إحنا السبب
هههههههههه
هديـــل الـروح
منورة التدوين ياجميل
وربنا يكرمك
الرد هيكون عندك حالاً
مابنامش الليل
سهران اعد الناموس
تحياتى
ههههههههههههههههههههههههههههه
لا بجد
احساس جميل من واحدة شكلها اتقرصت كتير اليومين دول من الناموس علشان كدة يا عيني قررت انها مش تسكت وتتكلم وتتشجع وتقف قدام وزارة الناموس العالمية
ههههههههههههههههه
بجد بوست لطيف اوووى ودمه خفيف جدا
بس لو ريد مش شغال خدي بايروسول
اقولك
عزلى من البيت اصلا
واشتري راحة بالك بكام الف جنيه
بسيطة
اضحك الله سناك يا قمر
لاسع افندى
كان الله فى العون...:)
شرفتنى حضرتك بجد
جنــــــــــة الله
اغير البيت!!!!!!!!!!!
لا ممكن لا مستحيل
ده بيت العز يابيتنا
أخر بيت بنيناه وقعدنا فيه
كفاية إنه قريب من النيييييييل
وماأدراكى بإحساس القرب من النيل
رائع
زى الجنة
ههههههههه
ههههههههههههههههههه
هههههههههههههههههههههههه
جاااااااااامد البوست دا
عسل :)
هههههههههههههه
هو ده ناموس؟
دول كائنات فضائية
لا باه كده في حاجة غلط قوي بتحصل .. هتشككي الواحد في نفسه ولا ايه .. ده انا الناموس واكلني أكل مفياش حته سليمة ..متبهدل بهدلة ما يعلم بيها الا ربنا وحالتي حالة ده معناه على حسب كلامك حاجة صعبة قوي .. مع ان بيتنا في عيري 3 بنات وستي وأخويا وأخويا الا اني أنا الوحيد المستهدف من الناموس مش بنام في حته مختلفة عنهم ده أنا بنام مع ستي وأخويا بس تقولي ايه هما عندهم حصانة وأنا فريسة سهلة ولا ابه
يلا خير خير
على رأيك ناموس جين جديد
سلام
ههههههههههههه
اعتقد انه بعض المواصفات بتنطبق على الذباب
ربنا يرحمنا
وحشتيني
انا رايحة الجامعة في الباث يوم السبت ع الساعة 1 كده
اتمنى اشوفك لو تقدري تروحي
Bola 7elmi
إزييييييييك ياقمر
انتى اللى عسل طبعاً
حلم بيعافر
منورنى حضرتك
دول فعلاً كائنات فضائية ملعونة
كاتب مصري
الموضوع لايمكن يتسكت عليه
أنا لازم أشوف الجينات ديه
إيه حكايتها
ومستقصدين حضرتك كمان
ده معناه إن الجينات فى تحور مستمر
ربنا يكون فى عونك
غير الاوضة وروح اقعدفى اوضة اختك
يمكن المشكلة الاوضة وشبابيكها اللى على البحرى
دمتم من غير تقريص ونمتم فى راحة...
بنت أبيها
ازيييييييييك ياجميل
شوفى أنا كده كده نازلة بكره الصبح
عندى شوية مشاوير وهاروح الكلية كمان
كويس إنك قلتيلى
وأكيد إن شاء الرحمن هاحاول اعدى عليكى هناك
يارب يبقى يوم حلو عليكى
هههههههههههههههههههههههههه
بوست تحفة بجد
وحكاية التنبلة دي فعلا غريبة جدا
تهش فيها ولا اكن في حاجة!!؟
ويا سلام بقى على الزن في الودان
السلام عليكم
يا لهووووى يانى جيت متأخره مش تزعلى منى طبعآ لسه راجعه من السفر حبيبتى
وجيت اطمن عليكى وقولك وحشتينى قووى يا حياتى
يعنى اسيبك يومين اجى الاقى النموس مبدهل الدنيا كده
هههههههههههه
ربنا يوفقك يارب
بحبك قووى
امووووووه
انوسه
السلام عليكم
ايه الجمال وخفه الدم دى بوست زى العسل وعلى فكرة قضيه الناموس دى ليست قضيه فرد بعينه وانما قضيه مجتمع باكمله وارجو الا تاخذكم بالناموس رحمه ولا شفقه ههههه
اضحك الله سنك
ولو انه موضوع مؤلم .. بس انتي اصبتي كبد الحقيقة .. بقي ناموس متبلد الاحساس من كتر ما بيشرب دم مايع من ناس معندهاش من الكور الحمراء !!
عجبتني اوي حتة اختفاء كروموسوم اكس :) بلد مش بيتبل في بقها فوله .. علي طول كده مفيش حاجة بتستخبي :)
ربنا يعزك و اجازة سعيدة ان شاء الله
شريكة في المطعم
اه أنا نسيت الزن فى الودان ده
الناموس بقى رغاى جداً
عاشقة الأحزان
حمد الله على سلامتك ياجميلة
ليس فقيرا من يحب
هيا بنا الى الناموس لنقتله بلاهوادة
منورة ياجميل
أليس في بلاد العجائب
ههههههههههههه
ربنا يكرمك بجد
اسعدنى مرورك